Кабинетот на Претседателот, денеска го посетија студенти од Правниот факултет „Јустинијан Први“, при Универзитетот „Св. Кирил и Методиј“ во Скопје.
За време на престојот во Кабинетот се сретнаа со претседателот Пендаровски и поразовараа со него за претседателските активности и уставни надлежности, а ги споделија нивните размислувања за општествените процеси и за перспективите на младите.
Претходно, посетителите имаа можност да ги разгледаат просториите во коишто се реализираат работните и официјалните средби на претседателот, прес-конференции и свечености, Мозаик салата со импозантниот диптих „Македонија – светла земја“ и „Македонија – земјата памети“ дело на еден од најзначајните современи македонски уметници Глигор Чемерски.
Студентите се запознаа и со историјатот на објектот каде што е сместен Кабинетот на Претседателот, со неговата денешна намена, како и со начинот на функционирање на институцијата.





