Presidenti Stevo Pendarovski në margjinat e Konferencës 60-të të sigurisë në Munih, mbrëmë u takua me Presidentin e Malit të Zi, Jakov Millatoviq.
Në këtë takim, të dy bashkëfolësit shkëmbyen mendime mbi marrëdhëniet e përgjithshme bilaterale, duke shprehur kënaqësi nga kultivimi i partneritetit dhe miqësisë tradicionale midis dy shteteve.
Presidenti Pendarovski dhe Presidenti Millatoviq vlerësuan se Maqedonia e Veriut dhe Mali i Zi, si aleatë në NATO dhe vende me përcaktim strategjik për anëtarësim në BE, kanë vlera të njëjta, duke theksuar nevojën për bashkëpunim të përforcuar rajonal, si parakusht kryesor për mirëmbajtjen e stabilitetit dhe prosperitetit më të madh ekonomik të vendeve të Ballkanit Perëndimor.





