Presidenti Stevo Pendarovski sot e mirëpriti drejtorin e përgjithshëm të Organizatës ndërkombëtare për migracione (IOM), Antonio Vitorino.
Në këtë takim u bisedua mbi aktivitetet aktuale të kësaj organizate në Republikën e Maqedonisë së Veriut në raport me çështjet që lidhen me migracionin.
Presidenti Pendarovski shprehu falënderim për mbështetjen e përgjithshme që kjo organizatë ua jep institucioneve maqedonase në ndërtimin e kapaciteteve për menaxhim me migracionin, për mbrojtjen e migrantëve, luftën kundër tregtisë me njerëz, si dhe mbështetjen në harmonizimin e sistemit për menaxhim me migracionin me të drejtën e Bashkimit Evropian.
Presidenti Pendarovski e theksoi përkushtimin e Republikës së Maqedonisë së Veriut për zhvillim të kornizës së qëndrueshme dhe gjithëpërfshirëse për menaxhim me migracionin e jashtëm legal dhe jolegal, në përputhje me Rezolutën e miratuar nacionale të politikës së migracionit 2021-2025.





