Presidenti Stevo Pendarovski sot mbajti fjalim në pritjen e Këshillit drejtues dhe të kompanive anëtare të Odës Ekonomike për Teknologji Informatike dhe Komunikuese – MASIT.
Duke theksuar se edhe këtë vit, sipas të dhënave zyrtare, industria TIK shënon rritjen më të madhe edhe në raport me numrin e të punësuarve edhe në raport me të hyrat e realizuara, Presidenti Pendarovski theksoi se shteti duhet të japë mbështetje në këtë degë. Kontributi i MASIT-it në përgatitjen e Strategjisë MKD 2030, siç tha Presidenti Pendarovski, është edhe një dëshmi se kjo industri është një nga fushat me prioritet për vendin.
“Nuk shikoj industri tjetër e cila rritet kaq shpejt dhe e cila ka një potencial të tillë. Prandaj Qeveria, cilado qoftë, kushdo qoftë president, duhet të jenë në shërbimin tuaj 24/7”, nënvizoi Presidenti Pendarovski në fjalimin e vet.
Duke informuar për arritjet dhe përparimin në industrinë TIK në vend, nga Oda informuan se ky sektor po zgjerohet. Njëkohësisht, nga Oda theksuan se në industrinë TIK numri i të punësuarve rritet nga viti në vit, kurse vërehet edhe rritje e vazhdueshme e rrogave. Kjo, siç theksuan nga MASIT-i është tregues se edhe në shtetin tonë mund të ketë rrëfime të suksesshme dhe të rinjtë të kenë beneficione dhe kushte të përkryera pune, njëjtë si edhe në vendet e zhvilluara evropiane dhe botërore.
Njëkohësisht, kryetari i Këshillit Drejtues të Eodës Ekonomike për Teknologji Informatike dhe Komunikuese, Ilija Gospodinov foli edhe mbi disa sfida me të cilat ballafaqohen kompanitë anëtare të MASIT-it. Në këtë drejtim, Gospodinov kërkoi politikat shtetërore të jenë mbështetje strategjike për industrinë TIK.





