Urimi i Presidentit Pendarovski me rastin e 23 Majit – Ditës Nacionale të Vllehve

23 Maj 2023 | Kumtesat

Presidenti Stevo Pendarovski, me rastin e 23 Majit – Ditës Nacionale të Vllehve, u dërgoi urim përfaqësuesve të bashkësisë vllahe në Republikën e Maqedonisë së Veriut.

Të nderuar bashkëqytetarë,

Më lejoni t’jua uroj 23 Majin – Ditën Nacionale të Vllehve.

Në këtë ditë, në vitin 1905 është nxjerrë dekret me të cilin në suazat e Perandorisë Osmane është njohur realiteti se vllehtë janë popull i veçantë me gjuhën e vet, kulturën e vet dhe me identitetin e vet. Kështu u hap një kapitull i ri në historinë e gjatë dhe të pasur të popullit vllah, që dëshmon edhe për kontributin e madh të vllehve në luftën për shtetin e lirë dhe të pavarur maqedonas.

Sot, përfaqësuesit e bashkësisë vllahe në Maqedoninë e Veriut e realizojnë të drejtën e organizimit qytetar dhe politik, duke i gëzuar të gjitha të drejtat si dhe bashkësitë e tjera etnike. Vllehtë kontribuojnë aktivisht në rrjedhat shoqërore dhe në të gjithë segmentet e jetës së përditshme.

Obligimi i Republikës së Maqedonisë së Veriut është të vazhdojë ta ruajë, zhvillojë dhe ta promovojë identitetin etnik, gjuhësor dhe kulturor të Vllehve në shpirtin e vlerave evropiane.
Gëzuar 23 Majin – Ditën Nacionale të Vllehve.

Stevo Pendarovski

Категории

Categories

Kategori

Последни вести

Latest news

Lajmet e fundit

Urimi i Presidentit Pendarovski me rastin e Ramazan Bajramit

Urimi i Presidentit Pendarovski me rastin e Ramazan Bajramit

Presidenti Stevo Pendarovski, me rastin e festës së madhe myslimane Ramazan Bajram, u dërgoi urim qytetarëve të fesë islame në Republikën e Maqedonisë së Veriut dhe kreut të Bashkësisë Fetare Islame, Reisul Ulema H. Hfz. Shaqir ef. Fetahu. I nderuar Reisul Ulema H....