Presidenti Stevo Pendarovski sot e mirëpriti ambasadorin e Mbretërisë së Bashkuar të Britanisë së Madhe dhe Irlandës së Veriut, Metju Loson.
Në këtë takim u bisedua mbi marrëdhëniet dhe bashkëpunimin bilateral midis dy shteteve, si dhe mbi ngjarjet aktuale dhe sfidat në rajon, ku bashkëfolësit shprehën kënaqësinë nga zhvillimi i marrëdhënieve të përgjithshme, të cilat i karakterizon miqësia, besimi i ndërsjellë dhe partneriteti i fuqishëm.
Presidenti Pendarovski dhe ambasadori Loson shkëmbyen mendime dhe informacione mbi çështjet aktuale lidhur me integrimin e vendit tonë në Bashkimin Evropian, për bashkëpunimin dhe veprimin e të dy shteteve në Aleancën e NATO-s, si dhe mbi çështjet bilaterale të interesit të ndërsjellë.
Presidenti Pendarovski shprehu bindjen se Mbretëria e Bashkuar do të vazhdojë me mbështetjen dhe ndihmën konkrete në realizimin e prioriteteve strategjike maqedonase dhe e falënderoi për mbështetjen e përhershme britanike për çështjet kryesore që nga pavarësia jonë deri më sot.





