Presidenti Stevo Pendarovski sot i pranoi letrat kredenciale të Brendan Uardit, ambasadorit të Republikës së Irlandës në Republikën e Maqedonisë së Veriut, me seli në Zagreb.
Presidenti Pendarovski në fjalimin në ceremoninë e dorëzimit të letrave kredenciale e shprehu kënaqësinë për marrëdhënie bilaterale shumë të zhvilluara midis dy shteteve, që i karakterizon dialog politik intensiv dhe marrëdhënie partnere dhe shprehu shpresën për thellimin e bashkëpunimit në plan ekonomik. Presidenti tha se e ardhmja e Maqedonisë së Veriut dhe të rajonit të Ballkanit Perëndimor e shohim nëpër prizmin e Bashkimit Evropian dhe shprehu falënderim enorm për mbështetjen e madhe në procesin eurointegrues, duke theksuar se Irlanda është partneri ynë i fuqishëm dhe i rëndësishëm në rrugën drejt anëtarësimit në BE.
Ambasadori Brendan Uard në fjalimin e vet tha se edhe pse të dyja vendet janë në anë të ndryshme të Evropës, vlerat e përbashkëta dhe përkushtimi i përbashkët ndaj idealit evropian nënkuptojnë se këto dy vende kanë shumë gjëra të përbashkëta. Ai tha se e pret me padurim bashkëpunimin e afërt me vendin tonë, me qëllim të përparimit të marrëdhënieve tona bilaterale në drejtim të mbështetjes së aspirimeve të Maqedonisë së Veriut për anëtarësim në Bashkimin Evropian.
Presidenti Pendarovski i dëshiroi ambasadorit Uard zbatim të suksesshëm të funksionit të përgjegjshëm dhe shprehu bindjen se në zbatimin e obligimeve të tij diplomatike do të gëzojë bashkëpunimin dhe ndihmën tonë të tërësishme.





