Presidenti Stevo Pendarovski sot e mirëpriti ambasadoren e Shteteve të Bashkuara të Amerikës, Anxhela Prajs Ageler.
Në këtë takim u fol mbi ngjarjet politike në vend pas formimit të Qeverisë teknike dhe në prag të procesit zgjedhor, si dhe mbi mundësitë për përparimin e përgjithshëm të marrëdhënieve bilaterale midis dy shteteve.
Presidenti Pendarovski në këtë takim theksoi se Maqedonia e Veriut i kushton vazhdimisht vëmendje të veçantë zhvillimit të marrëdhënieve miqësore dhe bashkëpunimit bilateral me SHBA-në, ku u theksua se Dialogu i tanishëm strategjik është mundësi për konkretizim të bashkëpunimit tonë në të gjitha sferat e interesit të ndërsjellë.
Presidenti Pendarovski e theksoi mbështetjen amerikane për vazhdim dhe intensifikim të procesit të reformave në kontekst të realizimit të aspirimeve evropiane në shtet.






