Претседателот Пендаровски се обрати на Годишниот форум на „Виенската иницијатива“

24 март 2023 | Соопштенија

Претседателот Стево Пендаровски се обрати пред учесниците на Годишниот форум на „Виенската иницијатива“ чиј домаќин е Народната банка на Република Северна Македонија.

Во поздравното обраќање претседателот Пендаровски посочи дека овој форум на Иницијативата за координација на Европската банка се одржува во време на бројни и испреплетени кризи што меѓусебно се зајакнуваат.

„Пандемијата и руската инвазија на Украина предизвикаа рецесија, енергетска криза и ценовни шокови на глобалните пазари. Јавниот долг и инфлацијата продолжуваат да растат, а се продлабочува и нееднаквоста меѓу државите и во државите. Овие предизвици нѐ соочуваат со дилемата како да се одржи финансиска стабилност во ера на голема неизвесност“, истакна претседателот, додавајќи дека за решавање на секоја криза потребна е координација и соработка.

„И за време на глобалната финансиска криза од 2009 година и во текот на европската должничка криза, „Виенската иницијатива“ на многу одговорен начин, придонесе за зачувување на кредибилитетот на финансискиот и банкарскиот систем.  Финансиската стабилност на централна, источна и на југоисточна Европа е природно поврзана со стабилноста на поширокиот европски и меѓународен финансиски систем. Оттука, „Виенската иницијатива“ е чувар на тој заеднички интерес кон којшто сите треба да придонесуваме“, истакна претседателот Пендаровски.

Тој изрази очекување дека оваа соработка ќе продолжи да биде гаранција на стабилноста и предвидливоста, бидејќи  само заедно можеме да ги надминеме кризите, да ги искористиме придобивките на дигитализацијата, да се приспособиме на Зелената агенда и, на таков начин, да градиме финансиски и економски системи што ќе бидат далеку поотпорни на потенцијални шокови.

„Виенската иницијатива“ претставува меѓународна рамка за соработка за одржување на финансиската стабилност во регионот на Централна, Источна и Југоисточна Европа.

На Годишниот форум учествуваат гувернери на централните банки од ЦИЈЕ и високи претставници на Европската инвестициска банка, Европската банка за обнова и развој, Меѓународниот монетарен фонд, Светската банка, Европската централна банка и Европската комисија, како и претставници од банкарскиот сектор.  Теми на форумот се тековните економски движења во регионот, предизвиците со кои се соочуваат централните банки во макроекономски услови при висока економска и геополитичка неизвесност, како и структурните промени со коишто треба да се справи финансискиот систем, пред сѐ во доменот на зелената транзиција и прифаќањето на новите технолошки достигнувања и дигитализацијата.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...