Претседателот Пендаровски се обрати на промоцијата на проектот „Иднината почнува дома“

21 декември 2023 | Обраќања

Претседателот Стево Пендаровски вчеравечер се обрати на промоцијата на проектот „Иднината почнува дома“, иницијатива на Дирекцијата за технолошки индустриски развојни зони (ТИРЗ) и Стопанската Комора која има за цел да поддржи индивидуалци кои се истакнуваат во своите области на делување, прават позитивна разлика и работат посветено како важни делови од обликувањето на иднината на нашата држава.

Почитувани млади,

Почитувани присутни,

Почитувани членови на Стопанската комора,

Директоре,

Секогаш ми било пријатно чувството кога го делам подиумот со млади и амбициозни луѓе, подготвени да направат позитивна промена во општеството. Посебно сум задоволен што сум сведок на создавањето на една нова иницијатива која има потенцијал, на долг рок да влијае врз обликувањето на иднината на младите кај нас.

Вашето мото „Двигатели на промени“, е совршен спој на младешката енергија и креативност и мудроста на повозрасните и поискусните, што е добитна комбинација за заеднички успех.

Денес, во време на неверојатен технолошки развој во светот, промените се единствената константа, а потребна е храброст да се прифатат новите концепти и макотрпна работа тие да се имплементираат. Овде, меѓу нас има поискусни луѓе од кои младите, идни претприемачи имаат што да научат. Во ТИРЗ имаме и странски компании кои инвестираат и имплементираат најнови технологии.

Но, нејсе, денес сум овде, за јас да зборувам помалку, а да слушам повеќе и пред се, да научам од вас младите, кои се одважуваат не само да зборуваат за предизвиците со кои се соочуваме, туку, нудат и идеи и решенија. За тоа е потребен поинаков, таканаречен out of box пристап, и исто така што е многу важно, дистанцирање од нашето секојдневие кое е преполно со дефетизам и дневна политика.

Ако зборуваме реално, од младите, не очекуваме ништо помалку од решителност и пркос кои треба да ги демонстрирате секојдневно, како контраст на општествената апатија, ендемската корупција и клиентелизмот како лоши симболи на нашето општество.

Почитувани,

Можностите за успех и развој на вашиот потенцијал мора да обезбедиме да ги имате, најпрво, дома. Вие сте и потребни на државата, но, државата и реалниот сектор мора да ви овозможат најдобри услови за вашите кариери навистина да ги градите тука. Ако Вашата иднина ја градите тука, тоа ќе биде важно за државата, за локалната заедница од која сте дел, но, и за вашите родители и најблиски. Тоа е и моја надеж како родител.

Го охрабрувам секој од вас да биде активен учесник во оваа иницијатива. Прифатете ја можноста да бидете двигател на промени, да придонесете за напредок на земјата и самите да ја обликувате сопствената иднина. Заедно, низ партнерски однос и соработка, добрите резултати ќе бидат неминовни.

Дозволете ми уште еднаш да им се заблагодарам на сите вклучени во организирањето на овој настан и самата иницијатива. Честитки за напорната работа, соработката и посветеноста на младите вклучени во оваа иницијатива, честитки за ТИРЗ и за Стопанската комора. Ова нека биде мотив и инспирација за останатите фактори и генерациите што доаѓаат затоа што иднината почнува дома.

Да немате никаква дилема, на тој пат ќе ја имате мојата безрезервна поддршка.

Ви благодарам.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...