Обраќање на Елизабета Ѓоргиевска на Втор самит на првите дами и господа на тема „Украина и светот: Иднината која (повторно) ја градиме заеднички“

24 јули 2022 | Aктивности, Соопштенија

Сопругата на претседателот на Република Северна Македонија, Елизабета Ѓоргиевска преку видео порака се обрати на Вториот самит на првите дами и господа на тема „Украина и светот: Иднината која (повторно) ја градиме заеднички“, што се одржува во Киев во хибриден формат.

Во продолжение е интегралното обраќањето на Елизабета Ѓоргиевска.

Почитувана г-ѓа Зеленска,
Почитувани пријатели,

Ви благодарам за можноста да се обратам на овој Самит на кој размислуваме за тоа како повторно да ја изградиме иднината заедно, по разорувачката руска агресија врз Украина.

Образованието е основно право на секое дете. Влог во иднината на земјата; ги извлекува луѓето од сиромаштија, ги порамнува нееднаквостите и обезбедува одржлив развој. Сепак, кога и да дојде до војна или конфликт, секогаш најмногу страдаат децата.

Војната наметната над Украина остави речиси две третини од украинските деца надвор од нивните домови, исплашени, во шок и во очајна потрага по безбедност. Многу од нив страдаат од социјално растројство и проблеми со менталното здравје. Ваквите трауми кај семејствата и децата ќе имаат долгорочни последици врз идните генерации.

Обновувањето на образованието е многу важно за на децата да им се помогне да заздрават и да се чувствуваат безбедни. На децата кои останаа во Украина, како и оние кои се бегалци во други земји мора да им се овозможи континуирано учење, како и психо-социјална и поддршка на менталното здравје.

Овозможувањето на настава за децата во училиште не претставува само законска обврска, туку и морална должност и основно право.

Она што треба да го направиме е да се окрупнат и споделат ресурсите за да се обнови украинскиот образован систем и да се даде поддршка на образовните иницијативи, со цел децата да се стекнат со образование.

Со пречекот на деца кои избегале од Украина, ние во Северна Македонија им овозможивме и настава. Успешната интеграција во училиштата може да им помогне на децата да ги надминат травматските искуства и да се почувствуваат достоинствено, почитувано и прифатено.

Оттука, треба да продолжиме да го поддржуваме запишувањето на украинските деца во училиштата. Свесна сум дека образованието е само еден сегмент од безбедноста на децата. Затоа, не смееме да заборавиме на потребите на децата за здравствени и социјални услуги, вклучително и градинки, како и потребите на возрасните за пристап до вработување, здравствени и социјални услуги. Во овие тешки времиња, не смееме да заборавиме на овие должности и сите заедно треба да работиме на справувањето со овие предизвици со заеднички напори.

Ви благодарам.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...