Претседателот Стево Пендаровски денеска прими претставници на раководството на Стопанската комора на Северо-Западна Македонија, предводени од претседателот на комората, Менди Ќура.
На средбата се разговараше за тековните активности на комората, насочени кон застапување на интересите на бизнисите и создавање на соодветно развојно опкружување.
Претставниците на комората ги претставија актуелните предизвици со кои се соочува бизнис заедницата во однос на недостигот на работна сила, како и приоритетните области на кои треба да се насочи фокусот во следниот период.
Претседателот Пендаровски ги поздрави напорите на бизнис заедницата за поттикнување на нови инвестиции, нови работни места и долгорочен одржлив економски раст и развој на државата.





