Претседателот Пендаровски се обрати на Самитот за Целите за одржлив развој

18 септември 2023 | Соопштенија

Претседателот Стево Пендаровски, во рамки на учеството на Генералното Собрание на Обединетите Нации, денеска присуствуваше на отворањето на Политичкиот форум на високо ниво за одржлив развој под покровителство на Генералното Собрание и се обрати на лидерскиот дијалог „Зголемување на активностите на клучните транзиции за да се забрза напредокот на Целите за одржлив развој“.

Во своето обраќање претседателот Пендаровски истакна дека со поддршка на агенциите на ОН и донаторска поддршка, постигнавме напредок во постигнувањето на Целите за одржлив развој и државата утврди три главни национални обврски: инвестирање во развивање на вештините за иднината како предуслов за економски раст, зголемување на уделот на обновливите извори на енергија за поддршка на климатската акција и енергетската одржливост и усвојување на Националната развојна стратегија, која заедно со Рамката за развој МКД2030 треба да ги рационализира сите Цели за одржлив развој во македонското општество.

Во продолжение го проследуваме интегралниот текст од обраќањето на претседателот Пендаровски.

Почитувани екселенции,

Пред седум години ги усвоивме Целите за одржлив развој како глобален план за побезбеден свет. Оттогаш, светот е сè само не безбеден, особено за сиромашните и ранливите. Повеќекратните кризи ја зголемија нееднаквоста и сиромаштијата и ја забавија зелената транзиција.

Екстремните временски услови зачестија и станаа посмртоносни.

Акумулираните ризици и кризи на денешницата се само предзнак на иднината што го чека нашиот свет доколку навреме не ги спроведеме Целите за одржлив развој. Само со смели, амбициозни и праведни постапки можеме да избегнеме такво сценарио.

Северна Македонија ја усвои Рамката за соработка за одржлив развој 2021-2025 година. Со поддршка на агенциите на ОН и донаторска поддршка, постигнавме напредок во постигнувањето на Целите за одржлив развој и утврдивме три главни национални обврски.

Прво, инвестирање во развивање на вештините за иднината како предуслов за економски раст. За ова ни е потребно образование приспособено на потребите на пазарот на трудот, намалување на родовиот јаз во областите на СТЕМ и создавање работни места за младата, дигитална генерација.

Второ, зголемување на уделот на обновливите извори на енергија за поддршка на климатската акција и енергетската одржливост во согласност со зајакнатите национално-определени придонеси, Националната стратегија за енергетски развој и Долгорочната стратегија за климатска акција.

Трето, усвојување на Националната развојна стратегија, која заедно со Рамката за развој МКД2030 треба да ги рационализира сите Цели за одржлив развој во македонското општество преку градење консензус кој ги надминува етничките, верските, генерациските и политичките разлики.

Доброто владеење, владеењето на правото и антикорупцијата се клучни за оваа цел.

Со исполнување на овие заложби ќе постигнеме три цели.

Прво, ќе придонесеме за побезбедна и поодржлива планета.

Второ, ќе спроведеме 70% од критериумите за членство во Европската Унија. Нашата европска иднина во суштина е заснована на одржлив развој.

Трето, ќе се справиме со нашиот најитен предизвик – масовното иселување на младите луѓе. Успехот на нашите заложби за Целите за одржлив развој за создавање праведно, инклузивно и издржливо општество ќе се мери со подготвеноста на нашите млади луѓе да ја замислат својата иднина во својата татковина.

Не смееме да си дозволиме да чекаме поповолни услови за спроведување на Целите за одржлив развој. И нема да чекаме!

Мора да го направиме – во името на сегашните и идните генерации.

Ви благодарам за вниманието.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...