„Ретвитни оброк“ во Кабинетот на претседателот Пендаровски

19 март 2021 | Aктивности, Соопштенија

Претседателот Стево Пендаровски, заедно со сопругата Елизабета и синот Огнен, денеска, во Кабинетот на претседателот, подготвуваа храна за бездомни и социјално загрозени лица, како поддршка на долгогодишната активност на неформалната граѓанска иницијатива „Ретвитни оброк“.

Претседателот Пендаровски ја поздрави благородната мисија на „Ретвитни оброк“ во обезбедување храна за граѓани во социјален ризик, притоа охрабрувајќи ги сите институции, компании, организации и поединци, согласно своите можности и ресурси, а во духот на нашето солидарно општество, активно да се вклучат во споделувањето грижа со оние на кои тоа им е најпотребно.

Сопругата на претседателот, Ѓоргиевска, која и претходно беше дел од оваа хумана активност, ја нагласи својата лична заложба за промовирање солидарност и пружање помош на најранливите категории граѓани и истакна дека тоа е особено неопходно во овој период на низа социо-економски предизвици наметнати од Ковид-19. Во тој контекст, Ѓоргиевска рече дека сечиј, дури и најмал придонес, е крупен чекор во заедничката борба против егзистенцијалната неизвесност со којашто се соочуваат наши сограѓани.

Граѓанската иницијатива „Ретвитни оброк“ заедно со здружението „Вистински дела на љубезност“ веќе шест години помагаат на социјално загрозени лица. Двете организации, како и Црвен крст на Република Северна Македонија, Здружението за хумано-општествен развој – Проект „Среќа“, и „Храна за сите – Банка за храна“ се партнери во хуманитарните акции иницирани од Кабинетот на претседателот Пендаровски, во рамки на проектот „Волонтираме за солидарно општество“.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...