Работна средба со експерти од областа на економијата со цел финализирање на МКД2030

27 април 2022 | Соопштенија

Денеска во Кабинетот на претседателот се одржа работна средба со експерти од областа на економијата и финансиите со цел финализирање на Рамката за развој МКД2030, што се изготвува на иницијатива на претседателот Стево Пендаровски.

Имајќи предвид дека МКД2030 ја креираме преку отворен и транспарентен процес, посочи претседателот Пендаровски, особено е важно мислењето, сугестиите и консултациите со повеќе општествени чинители, а со цел изготвување на одржливи и квалитетни решенија за развојот и иднината на земјата.

„Рамката за развој е во нацрт-верзија и во таа насока би го ценеле придонесот на сите вас како истакнати експерти во областа на јавните финансии, економијата и бизнисот. Некои од вас го имаат искуството од управување со јавни финансии, а други, искуството од реалниот сектор” истакна претседателот Пендаровски на работната средба.

Тој потенцираше дека стратешкото планирање ѝ е потребно на земјава не само како дел од законските обврски кои ги имаат државните институции, туку и како процес кој ќе има широк општествен консензус и ќе не обедини околу заедничка визија.

„Целта е во МКД2030 да ги утврдиме приоритетите во кои треба да инвестираме и каде да ги насочиме нашите ресурси. Нам ни е потребен фокус за иднината, за да оствариме напредок и да овозможиме подобар живот за граѓаните“, рече претседателот на работната средба.

Денешната работна средба е дел од финалните консултации со истакнати стручни лица од земјава и странство. Досега беа реализирани работни средби со претставници од бизнис секторот, академската заедница, граѓански и меѓународни организации и истакнати професионалци од повеќе области.

Воедно, сите граѓани имаат можност преку интернет страницата www.mkd2030.mk директно да партиципираат и да дадат свој придонес во изработката на стратешкиот документ.

Рамката за развој МКД2030 официјално ќе биде промовирана во средината на годинава.

 

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...