Претседателот Стево Пендаровски денеска на проштална средба ја прими амбасадорката на Црна Гора, Марија Петровиќ.
На средбата беше констатирано дека двете земји негуваат традиционално партнерски и пријателски односи, без отворени прашања и беше нагласено дека како сојузници во НАТО и земји со заедничка цел – членството во Европската Унија, двете држави споделуваат исти вредности и даваат придонес во унапредувањето на регионалната соработка, како и кон стабилноста и безбедноста на нашиот регион.
Претседателот Пендаровски се заблагодари за дипломатскиот ангажман на црногорската амбасадорка Петровиќ во земјава и за нејзиниот придонес во унапредување на севкупните билатерални односи, посакувајќи и натамошен личен и професионален успех.





