Претседателот Пендаровски посети две изложби во Музејот на современа уметност

14 февруари 2023 | Соопштенија

Претседателот Стево Пендаровски ги посети изложбите „Сè што имаме заедничко“ и „Лаењето на облаците не ги вознемирува кучињата“ поставени во Музејот на современа уметност.

Изложбата „Сè што имаме заедничко“ е организирана во рамки на 14-то европско номадско биенале за современа уметност „Манифеста“. На изложбата се поставени уметнички дела на ромски уметници од повеќе европски земји и тоа на Дилејн ле Бас и Ден Тарнер од Англија, Роберт Габрис, Емилија Ригова и Лубош Котлар од Словачка, Сеад Казанџиу од Албанија, Цеија Стојка од Австрија, Нихад Нино Пушија од Босна и Херцеговина/Германија, Андре Јено Рацш од Германија и Рома џем сешн уметнички колектив – Мустафа Асан, Мо Динер, Милена Петровиќ  од Северна Македонија, Швајцарија и Србија,  како и Ахмет Кадри и Дурмиш Ќазим од нашата земја.

Уметничките дела од оваа изложба третираат различни прашања поврзани со историјата на исклученоста и маргинализацијата на ромските заедници во различни европски политички контексти и со нив уметниците Роми сакаат да ја зголемат видливоста на ромската уметност и јазик и промена на досегашните маргинализирани наративи за Ромите.

Изложбата „Лаењето на облаците не ги вознемирува кучињата“ на уметникот од Косово, Дритон Селмани, еден од тројцата наградени автори за „Најуспешен автор и дело“ на минатогодишното 13. Меѓународно биенале на млади уметници, се состои од текстуални дела, објекти и видео. Со нив уметникот на духовит начин користејќи специфична форма на хумор го истражува и преиспитува секојдневието. Во овој контекст, Селмани артикулира прашања поврзани со популарната култура, дискурсите на моќта во обликувањето на нашите животи, а третира и историски наративи, стереотипи, чувство на припадност и исклученост.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...