Претседателот Пендаровски во посета на општина Тетово

13 април 2023 | Соопштенија

Претседателот Стево Пендаровски денеска престојуваше во Тетово, каде ги посети Универзитетот на Југоисточна Европа и новите простории на Торакална хирургија во рамки на дијагностичко-ургентниот центар во клиниката.

За време на престојот на Универзитетот на Југоисточна Европа од раководството, научниот и стручниот кадар беше информиран за функционирањето и тековните активности што се реализираат низ повеќе од 80 студиски програми со современи наставни методи. На средбата беше разговарано и за предизвиците во високото образование во земјата, како и за неопходните реформи и системски решенија, како едни од основните предуслови за продуцирање квалитетен кадар.

Пред студентите што следат настава на шесте факултети, претседателот Пендаровски говореше за актуелните општествено-политички состојби во земјава, за регионалните прашања, како и за главните аспекти на неговите надлежности. Во своето предавање, претседателот се осврна на Рамковниот договор и мултиетничката демократија, а ги сподели неговите ставови за борбата против високата корупција и демографијата, како предизвици за нашето општество.

За време на обиколката на кампусот, претседателот Пендаровски го посети Центарот за симулација, во рамки на Факултетот за здравствени науки, со високоопремени предавални и лаборатории. Пред претседателот беше презентирана софистицираната опрема којашто на студентите им овозможува клиничка пракса во реални услови.

Во новите простории на Торакална хирургија кои се во рамки на дијагностичко-ургентниот центар во тетовската клиника, претседателот Пендаровски беше информиран за условите и медицинските услуги коишто ќе ги овозможува одделот. Раководството и тимот хирурзи ја нагласија важноста од експертизата и современата опрема како резултат на заложбата на домашните надлежни здравствени институции и придонесот на Турската агенција за соработка и координација (ТИКА).

Претседателот Пендаровски беше запознат со идните планови за развој и зајакнување на капацитетите на Торакална хирургија, што ќе овозможи подобрување на здравствените услуги за Тетово и регионот.

 

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...