Претседателот Пендаровски ги посети транзитниот центар Винојуг на јужната граница на државата и припадниците на Армијата во Млаз Богданци

19 декември 2023 | Соопштенија

Претседателот Стево Пендаровски денеска го посети транзитниот центар Винојуг – Гевгелија, каде разговараше со претставници на институциите и организациите коишто се ангажирани таму, за нивните тековни активности, регистрацијата на мигрантите и нивниот третман.

© Фото: Кристијан Георгиевски

Претседателот Пендаровски го посети семејното катче каде што се врши едукација на мигрантите. Таму беше информиран за тековните активности во однос на нивната психо-социјална заштита и ментално здравје. Во разговорот со дел од лицата коишто ги користат овие услуги, претседателот беше запознаен со нивните лични приказни и сведоштва, како и со досегашните искуства од престојот во земјата.

Во разговор со претставници на надлежните институции, претседателот Пендаровски беше информиран за капацитетите на транзитниот центар, како и за целокупната состојба на јужната граница, имајќи предвид дека таму на сила е одлуката за постоење кризна состојба. Истовремено, беше констатирано дека безбедносната состојба е стабилна и без позначителни промени во однос на изминатиот период. Од почетокот на годинава, во земјава се регистрирани речиси 10 илјади мигранти, главно од Сирија, Мароко, Авганистан и Пакистан. Соговорниците ја нагласија потребата од натамошно зајакнување на заедничкиот пристап на засегнатите земји, поддршка во јакнењето на националните капацитети, но и соработка со земјите на потекло на овие лица.

При посетата на Винојуг, претседателот Пендаровски разговараше и со претставници на Меѓународната организација за миграции (ИОМ), водечка агенција на Обединетите Нации за миграција. Тие го запознаа со нивните тековни активности во насока на соодветен третман на мигрантите, меѓународната соработка, изнаоѓање практични решенија за миграциските предизвици и хуманитарна помош.

Претседателот Стево Пендаровски попладнево ги посети и припадниците на Армијата коишто се сместени во објектот во Млаз Богданци. Во разговор со нив, војниците и старешините го запознаа со нивните активности и ангажманот при справувањето со нелегалните премини на нашата јужна граница.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...