Прв модул на Школата за политики за 2023 година при Претседателскиот центар за политичко образование

6 мај 2023 | Соопштенија

Викендов во Тетово се одржува првиот модул на Школата за политики за 2023 година при Претседателскиот центар за политичко образование, којшто се реализира во соработка со Фондацијата за демократија на Вестминстер.

На тема „Кризата на мејнстрим партиите и предизвиците за современата социјалдемократија и современиот политички конзервативизам“, денеска говореа д-р Александар Љ. Спасов, претседател на Програмскиот совет на Претседателскиот центар за политичко образование, советник на претседателот Пендаровски за правни прашања и вонреден професор на Правниот факултет „Јустинијан Први“, УКИМ, и д-р Александар Спасеновски, вонреден професор на Правниот факултет „Јустинијан Први“, УКИМ.

Редовниот професор на Правниот факултет „Јустинијан Први“, УКИМ, д-р Бобан Мисоски се обрати на тема „Владеење на правото, независност на судството, борбата против корупцијата и заштитата на човековите права како основа за преговорите за членство во Европската Унија“. Поранешната министерка за правда и редовна професорка на Правниот факултет „Јустинијан Први“, УКИМ, д-р Рената Тренеска-Дескоска одржа предавање на тема „Фер изборен процес – основа на демократијата“, а на тема „Влијанието на пресудите на Европскиот суд за човековите права врз демократските процеси“ своите искуства ги сподели г-а Мирјана Лазарова Трајковска, судијка во Врховниот суд и поранешна судијка во Европскиот суд за човекови права.

Во текот на вчерашниот ден, на првиот ден од првиот модул на Школата за политики за 2023, воведни обраќања имаа проф. д-р Александар Љ. Спасов и г-а Дона Костуранова, директорка на Фондацијата за демократија на Вестминстер во земјава, а говореа и претставници на Алумните на Школата за политики.

Утре, во завршниот дел од првиот модул, редовниот професор на Правниот факултет „Јустинијан Први“, УКИМ, д-р Ненад Марковиќ ќе се обрати на тема „Политичката култура и авторитарните тенденции во македонското општество“, додека пак г-а Искра Гешоска, советничка на претседателот Пендаровски за прашања од областа на културата и д-р Артан Садику, истражувач, теоретичар и активист ќе ги споделат своите согледувања на тема „Јавни политики и форми на ефективно политичко застапување преку граѓанско учество“.

Школата за политики е организирана во соработка со канцелариите на фондациите и здруженијата во земјава „Фридрих Еберт“, Меѓународниот Републикански Институт (ИРИ), Фондацијата „Конрад Аденауер“, Националниот демократски институт за меѓународни работи (НДИ), Фондацијата за демократија на Вестминстер, Фондацијата „МК2025“, Регионалната канцеларија за младинска соработка „RYCO“ и Фондацијата „Метаморфозис“.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...