Претседателот Пендаровски се обрати на конференцијата „Регионални безбедносни предизвици и неодамнешни случувања во земјите од Западен Балкан“

3 мај 2023 | Соопштенија

Претседателот Стево Пендаровски денеска се обрати на конференцијата „Регионални безбедносни предизвици и неодамнешни случувања во земјите од Западен Балкан“ што во организација на Претседателскиот центар за политичко образование се одржа во Скопје.

Претседателот Пендаровски на отворањето на конференцијата изрази задоволство што и оваа година во рамки на активностите на Претседателскиот центар за политичко образование ќе учествуваат квалитетни предавачи, од академската област но и практичари, кои што ќе ги доближат главните политички категории, и ќе говорат за актуелните политички трендови, не само кај нас туку и пошироко, во регионот и во светот. Во таа насока ја нагласи можноста да се слушнат ставовите на амбасадорот на САД во Република Србија и поранешен американски амбасадор во нашата држава, Кристофер Хил.

Претседателот се осврна на поранешните ангажмани на амбасадорот Хил, нагласувајќи го неговиот исклучително продуктивен придонес како во дипломатијата така и во академската област. Претседателот Пендаровски ја нагласи неговата вклученост во голем број специфични општествено-политички и безбедносни предизвици.

На конференцијата свое обраќање имаше и Кристофер Хил, амбасадор на САД во Република Србија и поранешен американски амбасадор во нашата држава, кој сподели оптимистички погледи кон регионот. Тој ја посочи иницијативата Отворен Балкан како позитивен пример на регионална соработка и говореше за придобивките чија поента е да се креира чувство на заедништво и начин на функционирање во соседството. Амбасадорот Хил го нагласи значајното македонско учество во оваа иницијатива и рече дека нашата држава сега е успешна држава на патот кон Европската Унија. Запрашан за дијалогот меѓу Белград и Приштина, тој го оквалификува како тежок процес, за кој рече дека мора да биде забрзан и да се вложат максимални напори. Тој оцени дека продолжените тензии меѓу Србија и Косово се штетни за целиот регион и влијаат на сите земји од регионот. Во тој контекст, го посочи ангажманот на Европската Унија, како добра основа за размислување кон решение.

Амбасадорот Хил се осврна и на проблемите предизвикани од корупција во регионот, при што порача дека во справување со овие предизвици, фокусот треба да биде на институциите на државите. Тој го истакна и руското влијание како голем проблем за регионот, во контекст на војната во Украина и порача дека тоа не смее да се дозволи да продолжи. Запрашан за коментар во врска со уставни промени во нашата држава, амбасадорот Хил порача дека тоа е нешто што треба да го решат македонските политички процеси и додаде дека би сакал да ја види нашата држава во Европската Унија.

На конференцијата присуствуваа министерот за внатрешни работи, Оливер Спасовски, директорот на Агенцијата за разузнавање, Еролд Муслиу, амбасадорката на САД, Анџела Прајс Агелер, директори на партнерските фондации на ПЦПО, членовите на Програмскиот совет и Алумните на Школата за политики.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...