Кабинетот на претседателот Пендаровски, денеска, во рамки на активноста Отворен Кабинет, го посетија ученици од скопските основни училишта „Александар Македонски“, и „Свети Кирил и Методиј“, како и деца од градинката „Орце Николов“, од Скопје.
Посетителите имаа можност да се запознаат со претседателот Пендаровски и да поразговараат за неговата работа и секојдневните активности во Кабинетот, а имаа и можност да присуствуваат во просториите во коишто се одржуваат состаноци, свечености, настани и прес-конференции. Во Мозаик салата го разгледаа впечатливиот диптих „Македонија – светла земја“ и „Македонија – земјата памети“ на академик Глигор Чемерски.
Отворен Кабинет во континуитет овозможува директна комуникација на граѓаните со претседателот Пендаровски. Во изминативе години институцијата ја посетиле неколку илјади граѓани од различни возрасти и занимања, младински организации и образовни институции.





