Претседателот Пендаровски ги прими акредитивните писма на новоименуваниот амбасадор на Литванија, Едуардас Борисовас

23 јануари 2024 | Соопштенија

Претседателот Стево Пендаровски денеска ги прими акредитивните писма на Едуардас Борисовас, новоименуван амбасадор на Република Литванија во Република Северна Македонија, со седиште во Загреб.

На церемонијата на предавање на акредитивните писма претседателот Пендаровски изрази задоволството од високо развиените билатерални односи помеѓу двете пријателски држави, за кои оцени дека ги карактеризира интензивен политички дијалог и партнерски односи, со надеж за поголема трговска и економска соработка.

„Со отворањето на канцеларијата во Скопје на Амбасадата на Литванија од Загреб, во ноември 2023 година, очекуваме продлабочување на меѓусебната соработка и интензивирање на политичката, економската, безбедносната, културната и социјалната размена помеѓу нашите држави. Во ова светло, новоотворената канцеларија посакуваме во блиска иднина да прерасне во амбасада, со што ќе биде и прва амбасада во Скопје на една балтичка земја“, рече претседателот Пендаровски.

Истакнувајќи дека Литванија е важен партнер на Северна Македонија и сојузник во рамки на НАТО, претседателот Пендаровски изрази огромна благодарност за безрезервната и гласна поддршка што Република Литванија во континуитет ја дава на нашиот евро-интегративен процес.

Амбасадорот Борисовас, на церемонијата на предавање на акредитивните писма изрази цврсто уверување дека за безбедна Европа потребна е силна безбедносна архитектура, во која и големите и малите земји ќе се чувствуваат особено заштитени со меѓународното право, под покривот на безбедносниот чадор на НАТО.

„Обединети од заедничките цели за постигнување безбедна, обединета и просперитетна Европа, позицијата на Литванија е цврста и јасна: Северна Македонија мора што поскоро да стане членка на Европската Унија. Подготвени сме да ги поддржиме напорите на Вашата земја и да продолжиме да ја споделуваме нашата експертиза за интеграцијата во ЕУ“, рече амбасадорот Борисовас.

Претседателот Пендаровски на амбасадорот Борисовас му посака успешно извршување на одговорната функција.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...