Претседателот Пендаровски прими членови на детското ликовно студио „Св. Кирил и Методиј“ од Битола

24 април 2023 | Соопштенија

Претседателот Стево Пендаровски денеска прими членови на детското ликовно студио „Св. Кирил и Методиј“ од Битола, придружувани од Елена Хаџи-Антоновска, претседател, Славчо Неделковски, претседател на Управниот одбор и Томислав Стерјев, ликовен педагог на ликовното студио.

Претставниците на детското ликовно студио ја претставија својата работа и информираа за нивните редовни учества на речиси сите позначајни светски ликовни манифестации и детски меѓународни ликовни конкурси и се пофалија со постигнатите успеси – освоените голем број на вредни награди и признанија.

Раководителите на детското ликовно студио „Св. Кирил и Методиј“ информираа за историјатот и досегашната работа, како и за нивните планови во иднина, при што посочија дека ликовното студио од година во година ја проширува својата дејност и постигнува се позначајни успеси во својата работа. Како најголем успех го посочија организирањето на меѓународниот фестивал „Мал битолски Монмартр” со неговите придружни манифестации – меѓународната изложба на детски цртежи „Битола”, ликовните каравани, летните ликовни школи и др.

Претседателот Пендаровски, изразувајќи поддршка за работата на детското ликовно студио „Св. Кирил и Методиј“, искажа задоволство од нивната успешна работа во препознавање и едукација на млади ликовни таленти од битолските основни училишта и предучилишни установи. Претседателот на младите битолски уметници им честиташе за посветеноста и креативноста, за вложените труд и љубов кон уметноста, посакувајќи им да останат на својата патека и да бидат позитивен пример за нивните врсници.

Детското ликовно студио „Св. Кирил и Методиј“ во просек го посетуваат по 50 деца на возраст од 5 до 18 години, а зачленувањето се врши по пат на конкурс што се распишува на почетокот на учебната година.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...