Претседателот Пендаровски во посета на Струга и Охрид во рамки на проектот „Лице в лице со претседателот“

2 септември 2023 | Лице в лице со претседателот, Соопштенија

Претседателот Стево Пендаровски, во рамки на проектот „Лице в лице со претседателот“ денеска ги посети Струга и Охрид.

Во Струга, претседателот Пендаровски го посети едриличарскиот клуб „Снегар“, каде беше запознаен со севкупните активности на клубот, што покрај тренинзи за спортско едрење, опфаќаат и бродоградба и изработка на модели за едрење. Членовите на клубот го запознаа претседателот Пендаровски и со нивните учества на домашни и меѓународни натпреварувања.

Претседателот Пендаровски изрази признание за ентузијазмот со кој раководството и членовите на клубот ја одржуваат традицијата на едриличарство во Струга. На членовите на клубот им посака успех во идните активности.

Во Охрид, претседателот Пендаровски имаше средба со хроничарот Здравко Тупаре и фотографот Петар Боев.

Тупаре го запозна претседателот Пендаровски со неговото неодамна издадено дело „Пловните објекти и веслањето низ историјата на Охридското езеро и пошироко во Македонија“. Претседателот Пендаровски истакна дека заложбите на Тупаре за промоција и развој на водените спортови и севкупно неговата љубов кон езерото, кои ги искажува и во деветтата деценија од животот, треба да бидат поттик за младите генерации да се занимаваат со водените спортови.

Боев, пак, пред претседателот Пендаровски го претстави своето долгогодишно фотографско творештво, во кое главен мотив е Охрид и Охридското езеро. Дел од неговите дела се содржани во публикацијата „Охрид – на брегот на вечното езеро“. Претседателот Пендаровски истакна дека уникатното творештвото на Боев треба да послужи како предизвик за сите фотографи да продолжат да ги овековечуваат моментите преку своите објективи.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...