Претседателот Пендаровски во посета на Гевгелија во рамки на проектот „Лице в лице со претседателот“

25 јануари 2023 | Лице в лице со претседателот, Соопштенија

Претседателот Стево Пендаровски денеска ја посети општина Гевгелија во рамки на проектот „Лице в лице со претседателот“.

За време на престојот, претседателот Пендаровски го посети новоизградениот објект на општинската организација на Црвен крст која ги опфаќа териториите на општините Гевгелија, Богданци и Дојран. На средбата со стручната служба и волонтерите тој беше запознат со нивните програмски приоритети и активности со фокус на социјално-хуманитарната и здравствено-превентивната дејност, крводарителството, дисеминацијата, првата помош и младите.

Во Црвен крст Гевгелија, претседателот се сретна со д-р Михајло Баламовски, првиот трансфузиолог во регионот и автор на монографијата „За крводарителството, Црвениот крст и хуманоста во Гевгелија и Гевгелиско“, а разговараше и со Никола Ќириќ, крводарител од 1974 година со повеќе 100 дарувања и со најмладата волонтерка, 14 годишната Мартина Ангелкова.

Упатувајќи честитки за континуираната висока мотивираност на општинската организација, претседателот изрази задоволство од солидарноста и одговорноста на сите вклучени во хуманитарните активности придонесувајќи за добросостојбата во нашето општество.

Во ЈОУ Дом на култура – Гевгелија претседателот Пендаровски оствари средба со претставници на НВО Changemakers4all, кои го информираа за актуелните проекти, како и со предизвиците со коишто се соочуваат во остварувањето на нивните цели, пред се, насочени кон заштита на животната средина, туристичката промоција, развојот на земјоделството и слободата на говор.

Претседателот Пендаровски изрази задоволство што здружението обединува граѓани со различни полиња на интерес, насочувајќи ги нивните знаења и капацитети кон развој на колективна свест, како клучен предуслов за поттикнување позитивни процеси во средината во која што живеат.

Во Гевгелија претседателот Пендаровски ја посети Мартина Стојчевска, сопственик на бизнис за организација на настани, декорирање и изработка на подароци. Младата претприемачка ги сподели своите искуства за неговото основање во исклучително специфични услови наметнати од пандемијата. Претседателот Пендаровски упати честитки за креативноста и успешната бизнис приказна, основана со помош на грант од Програмата за самовработување, реализирана од Министерство за труд и социјална политика и Агенција за вработување со поддршка од УНДП.

Во ЈОУ Работнички Универзитет „Кирил и Методиј“ претседателот Пендаровски ја разгледа колекцијата на графичката колонија „Гевгелија“, основана во далечната 1980 година, како единствена од ваков вид на територијата на поранешна Југославија. За време на посетата, претседателот разговараше со уметникот Атанас Крстов за значењето на графичкиот израз, како и за сложениот процес на создавање на ваквите дела.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...