Обраќање на претседателот Пендаровски на Меѓународната конференција „Социјалната работа и социјалната политика во време на глобални кризи“

19 септември 2023 | Обраќања

Претседателот Стево Пендаровски преку видео порака се обрати на учесниците на Меѓународната конференција „Социјалната работа и социјалната политика во време на глобални кризи“, во организација на Институтот за Социјална работа и социјална политика, што се одржува од 19 до 22 септември во Охрид.

Почитувани учесници на Меѓународната конференција,

Почитувани организатори,

Драги пријатели,  

 Најпрво, дозволете да ви се заблагодарам на честа да бидам покровител на оваа значајна конференција и на можноста да ви се обратам преку видео порака. За жал, поради тоа што во овој термин ја предводам македонската делегација на Генералното собрание на Обединетите нации, не сум во можност да бидам со вас во Охрид. Имајќи ја во предвид темата и пријавените учесници верувам дека конференцијата ќе биде успешна, со квалитетни панелисти и инспиративни излагања.

Самата тема на конференцијата имплицира дека живееме во време на бројни предизвици и генерална несигурност, која понекогаш, симплифицирано ја нарекуваме глобална криза.  Ковид пандемијата, а, потоа, енергетската и финансиската криза, заедно со актуелната руска инвазија врз Украина која отвори серија геополитички прашања, придонесоа да живееме во турбулентни времиња кои имаат ефект врз сите нас, а особено удираат врз најранливите категории. Токму во вакви ситуации е особено значајна социјалната работа, односно, социјалните политики кои треба да дадат соодветен одговор на кризата и да ги амортизираат последиците од неа.

Од листата на апстракти е видливо дека фокусот е врз навистина специфични и интересни теми кои го потврдуваат вашиот широк научен интерес и ги отсликуваат состојбите и потребите на нашите локални заедници и општества. Присутниот широк мултидисциплинарен пристап овозможува отворање на нови перспективи и нуди конкретни успешни примери за соочување со кризата во различни сегменти од нашиот актуелен социјален контекст.

Драги пријатели,

Во оваа прилика би сакал да ја споменам посветената работа и ангажманот на организаторот на конференцијата – Институтот за социјална работа и социјална политика кој претставува посебна работна единица на Филозофскиот факултет при УКИМ и кој одбележа шест и пол децении од формирањето, а догодина имате и уште еден значаен јубилеј,  30 години од започнувањето со постдипломските студии.

Низ оваа институција во изминатите децении поминаа врвни научници, професори, експерти кои оставија длабока трага во македонското општество. И во моментов институтот располага со одличен тим кој и понатаму овозможува високо квалитетна работа на институцијата. Впрочем и конференцијата која денес започнува е показател за реномето и значењето на институтот.

Ви посакувам и понатаму посветено да работите и да постигнувате успеси во вашата работа, пред се, во едукацијата и подготовката на соодветен кадар во областа на социјалната работа.

На крајот, дозволете уште еднаш да посакам успешна конференција, интересни дискусии и секако, пријатен престој во македонскиот Ерусалим.

Ви благодарам.

 

 

 

 

 

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...