Сопругата на претседателот, Елизабета Ѓоргиевска присуствуваше на пешачката тура „Кокино – поглед кон бесконечноста“ во организација на Министерство за Култура на Република Северна Македонија.
Во рамки на настанот на којшто присуствуваа и жени од јавните институции и дипломатската заедница во земјава се посети дел од македонското културно наследство што се наоѓа на територијата на општина Старо Нагоричане при што ја разгледаа црквата „Св. Ѓорги“, едно од најзначајните и највисоки места во историјата на средновековната византиска уметност во нашата држава.
Дел од настанот беше и презентацијата и разгледувањето на древниот локалитет Кокино, една од најстарите опсерватории во светот, а целта на денешниот настан е заеднички да се афирмира значењето на локалитетот Кокино којшто претставува културно наследство со особено археоастрономско и археолошко значење.





