Претседателот Пендаровски се обрати на отворањето на изложбата „Сите наши солзи“

12 октомври 2022 | Соопштенија

Претседателот Стево Пендаровски присуствуваше и се обрати на отворањето на изложбата „Сите наши солзи“, што се одржа во Мултимедијалниот центар „Мала станица“ во Скопје.

Изложбата на која беа претставени 34 фотографии направени на локации во Северна Македонија, Косово и Србија е посветена на цивилните жртви од војните на овие простори.

Претседателот Пендаровски во обраќањето посочи дека оваа изложба, покрај вредноста на автентичните и оригинални фотографии, кои во себе ја инкорпорираат уметничката и документаристичката перспектива, носи и длабока порака низ која се потсетуваме и соочуваме со неправдите и страдањата во еден историско-политички контекст, а што нѐ поттикнува да размислуваме за потребата и важноста од конструктивното соочување со раните на минатото преку изнаоѓање модели на помирување.

„Војните на територијата на поранешна Југославија оставија длабоки последици по нашите општества, кои и ден денес се чувствуваат, отсликувајќи ја трагедијата и комплексноста на конфликтите. Како последица на овие војни, имаме многу жртви кои немаат гроб. Според одредени статистики околу 14.000 лица сè уште се водат како исчезнати од војните во периодот од 1991 до 2001 година. Имаме многу семејства кои речиси три децении сè уште трагаат по вистината и по правдата. Поддршката на нивните напори за утврдување на судбината на нивните блиски, истовремено значи и оддавање почит кон жртвите, кон семејствата, но и кон нашите општества во целост“, рече во обраќањето претседателот Пендаровски.

Тој додаде дека оваа поставка ја запознава јавноста со мал дел од многуте сведоштва на преживеаните, како и со сведоштвата на семејствата на жртвите и настраданите и истакна дека поддршката на сите засегнати групи од конфликтите во нашиот регион, претставува признание за нивните страдања и поддршка на процесот на соочување со минатото.

„Изложбата „Сите наши солзи“ навистина поттикнува тажни, тешки и болни сеќавања, емоции и солзи кај секој од нас. Фотографиите околу нас, од кои извираат реални доживувања, нека бидат потсетник, никогаш да не се заборават воените злосторства кои се вбројуваат меѓу најужасните во историјата на современа Европа. За жал, не можам да кажам „никогаш и да не се повторат“, бидејќи денес во 21 век, кога сите бевме длабоко уверени дека епохата на војни е завршена, повторно сме сведоци на војна на тлото на нашиот континент. Војната во Украина нè потсети на овие свежи страдања низ кои поминаа граѓаните од нашите краишта, и нè потсети дека заложбите за обединување, помирување и меѓусебна поддршка треба да бидат посилни од кога било“, посочи во обраќањето претседателот Пендаровски.

Автори на изложбата се фоторепортерите Арбнора Мехмети и Наке Батев од Северна Македонија, Борислав Пешиќ од Србија и Аде Мула од Косово, а истата е во организација на конзорциум од мировни организации од Холандија, САД, Србија, Косово и Северна Македонија.

Претседателот упати честитки до авторите кои преку нивните објективи овозможија цивилните жртви од војните да добијат простор и можност, нивните приказни и пораки да допрат до јавноста, и да опоменат дека на човештвото не му е достојно насилството туку дијалогот.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...