Обраќање на претседателот Пендаровски пред белгиските стопанственици во Агенцијата за инвестиции и трговија на Фландрија (ФИТ) во Брисел

23 мај 2023 | Соопштенија

Претседателот Стево Пендаровски во рамки на работната посета на Кралството Белгија, денеска во Брисел се обрати пред белгиски стопанственици во Агенцијата за инвестиции и трговија на Фландрија (ФИТ), каде што беше одржана презентација на економските потенцијали и инвестициските можности во Северна Македонија.

Претседателот Пендаровски ја изрази својата поддршка за унапредување на економската соработка меѓу македонските и белгиските компании, потенцирајќи дека од интензивирањето на контактите и реализацијата на бизнис проектите, полза ќе имаат не само стопанствениците, туку и нашите граѓани.

„Република Северна Македонија изминатите десеттина години направи многу во делот на привлекување странски инвестиции, а самото присуство на бројни компании од САД, Германија, Обединетото Кралство, Франција или Белгија само го потврдува квалитетот на македонскиот инвестициски модел“, истакна претседателот Пендаровски во обраќањето.

Во оваа прилика, претседателот се заблагодари за континуираната поддршка од белгиската влада на македонските евроинтеграции, изразувајќи уверување дека преговорите за членство на Северна Македонија во ЕУ, позитивно ќе влијаат на севкупните билатерални односи со Белгија.

„Во моментов се одвива скрининг процесот, кој очекуваме да биде комплетиран до крајот на годината. Паралелно со овој процес, правиме големи напори, посебно во делот на владеењето на правото и борбата против корупцијата, за создавање на уште подобар бизнис амбиент, поповолен и предвидлив за сите идни инвеститори“, истакна во обраќањето претседателот Пендаровски.

На презентацијата, на која се обратија министерот за економија, Крешник Бектеши, директорот на Дирекцијата за ТИРЗ Јован Деспотовски и претставници на компаниите Avesta Battery & Energy Engineering и WB&E Metal, беа споделени искуствата на белгиски компании, коишто инвестирале во нашата земја.

На настанот, поддржан од Агенцијата за извоз и странски инвестиции на Валонија (AWEX) и Бриселската агенција за поддршка на бизнисот, ХАБ Брисел, присуствуваа дваесетина белгиски компании.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...