Обраќање на претседателот Пендаровски на презентацијата на осум иновативни студентски проекти на ФЕИТ

15 декември 2023 | Соопштенија

Претседателот Стево Пендаровски денеска на Факултетот за електротехника и информациски технологии (ФЕИТ) се обрати на презентацијата на осум иновативни студентски проекти во рамки на програмата Innovations in Smart Anything Everywhere (INNO-SAE).

Истакнувајќи дека ангажманот на студентите во овој проект е потврда дека иновациите се неопходност и доказ за трансформативната моќ на заедничкото решавање на проблемите во една држава, претседателот Пендаровски посочи дека должност на сите е да овозможат идеите на студентите да бидат преточени во решенија.

Почитуван декан,
Почитувани студенти, сегашни и идни иноватори, драги гости,

Ми претставува чест да им се обратам, пред се, на овие талентирани млади луѓе кои креираат надвор од вообичаените рамки, спојувајќи ги нивните идеи со технологијата. Овие млади деца гледаат во иднината од сосема друг агол и затоа сум убеден дека само преку нивните визии можеме да бидеме дел од дигиталната ера во која веќе живееме.
Честитки и до тимот на Факултетот за електротехника и информациски технологии, коj преку иницијативата – Innovations in Smart Anything Everywhere, ја поттикнува интелектуалната љубопитност меѓу студентите, и им овозможува услови да размислуваат пред своето време.

Вашиот ангажман во овој паневропски проект, е потврда дека иновациите се неопходност и доказ за трансформативната моќ на заедничкото решавање на проблемите во една држава. Во свет оптоварен со предизвици, нашата заложба за зголемување на степенот на дигитализација во општеството не е само стратегија на хартија, таа е нужност, затоа што дигиталните технологии се катализатори на општествените промени. Оттаму, токмју вие, студентите со желба за знаење и експериментирање ќе го обликувате светот на иднината каде што иновациите не се избор, туку начин на живот.

Спојот на технолошката умешност и претприемачкиот дух кој е содржан во оваа програма е аспект кој треба посебно да биде истакнат. Сведоци сме на една нова генерација која нуди решенија, но и активно се стреми да ги спроведе менувајќи ги досегашните традиционални парадигми на општествен одговор на актуелните предизвици.

Друг аспект кој охрабрува е конвергенцијата на таленти од различни дисциплини, кои се здружуваат во нудењето на решенија, што, повторно е доказ дека напорите на студентите се протегаат надвор од конвенционалните академски граници.

Во светот, како што знаете, одамна е надминат концептот на образованието кое е ограничено само на учебници и теорија. Затоа е потребен ваков динамичен амбиент во кој преку комбинирањето на ресурси и експертиза, креативноста и иновативноста ќе имаат и своја апликативна вредност. Ги охрабрувам сите овие иноватори кои формираат стартапи да бараат финансиска поддршка од институциите, затоа што државата може да напредува само преку искористување на нивниот потенцијал.

Драги студенти,

Наша должност е да овозможиме да биде ослободен креативниот потенцијал на вас, дигиталните пионери, да помогнеме вашите идеи да ги преточите во решенија затоа што моќта да се промени светот лежи во секој од вас.

Не се плашете од непознато, бидете лидери кои не само што се адаптираат на промените, туку и ги предводат, бидејќи без сомнение, вие го имате тој потенцијал во себе.
За крај, би сакал да ја изразам мојата фасцинација од посветеноста и креативноста на сите тимови кои се овогодишни учесници на INNO-SAE програмата. Денешниов настан нека биде еден од предвесниците дека и ние можеме да дадеме иновативен прилог во светот на технологиите кој доаѓа.

Благодарам.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...