Претседателот Пендаровски ги прими акредитивните писма на новоименуваниот амбасадор на Египет, Надер Саад

28 март 2024 | Соопштенија

Претседателот Стево Пендаровски денеска ги прими акредитивните писма на Надер Саад, новоименуваниот амбасадор на Арапска Република Египет во Република Северна Македонија, со седиште во Софија.

Претседателот Пендаровски во обраќањето на церемонијата на предавање на акредитивните писма истакна дека Република Северна Македонија, како одговорна членка на меѓународната заедница придава значење на односите со сите држави, придонесувајќи за благосостојбата на народите и за обезбедување и зацврстување на мирот во светот, како и за промовирање на одржливиот развој и економскиот просперитет. Тој изрази уверување дека пред двете земји со богато културно и историско наследство постои огромен неискористен потенцијал за сеопфатна и плодна соработка, особено на економски план, а исто така и во сферите на туризмот, културата, образованието.

Амбасадорот Надер Саад во своето обраќање истакна дека Египет и Северна Македонија уживаат одлични билатерални односи од нашето осамостојување во 1991 година и посочи на историските односи што постоеле меѓу Египет и поранешна Југославија како силна основа за градење и унапредување на соработката на заедничка основа на пријателство и меѓусебна доверба. Египетскиот амбасадор изрази уверување дека ќе вложи максимални напори за натамошно унапредување на областите на соработка, со цел да се издигне и прошири опсегот на односите на повисоко ниво.

Претседателот Пендаровски на египетскиот амбасадор му посака успешно извршување на оваа значајна, благородна и одговорна функција и изрази очекување дека неговиот активен ангажман ќе остави белег во надградбата на пријателските односи и соработката меѓу двете земји.

 

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...