Политичката плурализација ја уништува државата. Мораме да си подадеме рака. Секој од нас политичарите, со своите постапки, може да придонесе за намалување на јазот меѓу спротивставените политички страни. Заеднички мора и да им даваме поддршка на институциите кои треба да ја обезбедат правдата, но и да не бараме оправдување за Индексот на перцепција за корупцијата, изјави претседателот Стево Пендаровски во емисијата „24 Отворено“ на Телевизија 24.
Претседателот Пендаровски во интервјуто говореше за актуелните теми во Република Северна Македонија, како што се претстојниот попис, реформите во правосудството, предизвиците со корупцијата, надворешната политика, како и односите со политичките партии и општествената поларизација.
Јас сум обврзан мојата врата да биде постојано отворена за сите. Имам искрена желба да направам сосема поинаков начин на соработка со опозицијата, рече претседателот Пендаровски во интервјуто.





