Средба на претседателот Пендаровски со претседателот на Националниот совет на Република Австрија, Волфганг Соботка

11 октомври 2019 | Соопштенија, Средби

Претседателот на Република Северна Македонија, Стево Пендаровски, во рамки на официјалната посета на Република Австрија, денеска оствари билатерална средба со претседателот на Националниот совет на Сојузното собрание на Република Австрија, Волфганг Соботка.

На средбата, во пресрет на одбележувањето на 25 годишнината од воспоставувањето на дипломатските односи во декември годинава, двајцата соговорници констатираа одлични билатерални односи во многу области од заеднички интерес и беше изразено заемно задоволство од воспоставената извонредна соработка заснована на заедничка доверба и разбирање на различни нивоа на институционално партнерство меѓу двете држави.

Претседателот Пендаровски ја нагласи неопходноста за натамошно интензивирање на соработката во рамките на парламентарните групи како важен предуслов за зајакнување на севкупните билатерални односи.

Претседателот изрази задоволство од континуираниот интерес на Австрија и нејзината клучна улога во целокупниот просперитет и стабилност на Северна Македонија и на целиот регион на Југоисточна Европа.

Во контекст на нашите европски интеграции, нагласувајќи ги долгогодишните напори и австриската поддршка, силно демонстрирани за време на претседателството со ЕУ во втората половина на 2018 година, претседателот Пендаровски истакна дека нивната принципиелна поддршка е значајна во октомври 2019 година, кога очекуваме потврда на нашите напори, со носење одлука за започнување преговори за пристапување. Во меѓувреме државата е целосно посветена на реформската агенда како и на креирањето на добрососедската политика во Југоисточна Европа, подвлече претседателот Пендаровски, потенцирајќи дека неговото политичко дејствување, и во странство и дома, има една цел, а тоа е членство во Европската унија и НАТО и заокружување на реформите, за да се обезбеди иднината на државата и благосостојбата на сите нејзини граѓани.

Претходно, претседателот Пендаровски со највисоки државни и воени почести беше примен од австрискиот претседател претседател Александер Ван дер Белен, а оствари средба и со сојузната канцеларка, Бригит Биерлејн.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...