Претседателот Пендаровски ги прими акредитивите на новоименуваните амбасадори на Шри Ланка и Израел

29 ноември 2021 | Соопштенија

Претседателот Стево Пендаровски ги прими акредитивните писма на новоименуваните амбасадори на Демократската Социјалистичка Република Шри Ланка и Државата Израел во Република Северна Македонија.

На церемонијата на предавање на акредитиви од страна на новоименуваната амбасадорка на Демократската Социјалистичка Република Шри Ланка со седиште во Берлин, Манори Анамбуви, претседателот Пендаровски истакна дека двете држави во изминатите две децении ја потврдија желбата за градење меѓусебни односи базирани на разбирање и почит додавајќи дека постои силна желба, заеднички интерес и солиден потенцијал за успешен развој на меѓусебните односи и унапредување на дијалогот, како и за сеопфатен развој на соработката, особено на економски план и инвестициите.

„Во таа насока искрено се надевам дека и Вие, преку Вашиот иден професионален ангажман, значително ќе придонесете кон зајакнување на соработката во сите сфери од заемен интерес, како на билатерален, така и на мултилатерален план“, рече претседателот Пендаровски.

Амбасадорката Анамбуви нагласи дека како земја во развој со среден приход, Шри Ланка останува отворена за меѓународна трговија, нудејќи пријателска атмосфера за инвеститорите и поттикнувајќи странски директни инвестиции насочени кон постигнување поголема интеграција во светската економија истакнувајќи дека оваа перспектива ќе отвори многу можности за блиска соработка меѓу нашите две земји.

„Уверена сум дека со заедничките напори на нашите две влади и нејзините народи, ќе успееме да ги доведеме односите меѓу Шри Ланка и Северна Македонија на нови височини во наредните години“, истакна амбасадорката Анамбуви.

На церемонијата на предавање на акредитиви од страна на Симона Франкел, новоименувана амбасадорка на Државата Израел со седиште во Ерусалим, претседателот Пендаровски нагласи дека двете земји ги поврзува традиционално и отворено пријателство, втемелено врз 26-годишно успешно развивање на меѓусебните дипломатски односи преточени во плодна и разновидна соработка, меѓусебно почитување и отворен пристап додавајќи дека ваквата определба претставува уште еден мост во градењето поцврсти пријателски односи помеѓу нашите две земји и народи.

„Несомнено, во развојот на нашите односи сите овие години е значаен придонесот на Еврејската заедница во нашата држава, како и потомците на Евреите од Македонија кои денес живеат и работат во Државата Израел“, рече претседателот Пендаровски.

Амбасадорката Франкел истакна дека од воспоставувањето на дипломатски односи до денес, двете држави градат нови и модерни односи за заемна корист на нивните народи, градејќи ги истите на темелите на заедничкото минато и гледајќи напред кон иднината.

„Посветена сум да работам за зајакнување на нашето партнерство сеопфатно, од иновации до земјоделство, од култура до туризам и од пожарникарство до здравствен сектор“, рече амбасадорката Франкел и додаде дека со нетрпение чека да започне соработката при што ќе има можност да ја истражува нашата земја и да го запознае мозаикот од луѓе на Северна Македонија.

Претседателот Пендаровски на новоименуваните амбасадори на Демократската Социјалистичка Република Шри Ланка, Манори Анамбуви и на Државата Израел, Симона Франкел им посака успех во извршувањето на одговорната дипломатска функција.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...