Ѓоргиевска: Потребна е зголемена будност и грижа за менталното здравје на жената без разлика на нејзината возраст, положба и статус.

7 декември 2023 | Aктивности, Соопштенија

Сопругата на претседателот, Елизабета Ѓоргиевска учествуваше и се обрати на панел дискусијата „Здравјето не е само физичко -Ти ја имаш силата“ што се одржа во организација на НЕОКОРТЕКС – Центар за психотерапија, психодијагностика, тренинг и едукација.

Во своето обраќање, сопругата на претседателот истакна дека за да ги срушиме стереотипите и да ги охрабриме жените отворено да зборуваат за својата психолошка и душевна состојба, за негативните мисли и емоции кои ги тиштат, треба најпрвин да создадеме амбиент во кој грижата за менталното здравје ќе биде општо прифатена, а не табу тема.  Таа додаде дека жените треба да чувствуваат поддршка кога зборуваат за проблемите, да имаат доверба во институциите и да бидат сигурни за помошта што ќе ја добијат.

На панел дискусијата учествуваа  проф. д-р Славица Арсова, психијатар во ЈЗУ Клиника за психијатрија;  д-р Ирена Шуплиновска спец. гинеколог акушер во КБ “Аџибадем Систина“; Елена Бубало Михајловска,  биохемиски инжењер и сертифициран фитнес тренер – HealtyMe; Александра Трпевска, креативен директор, Lifestyle influencer и активист и м-р Ивана Хаџиванова, психолог, Гешталт и ЕМДР психотерапевт, семеен-системски советник и супервизор.

Настанот се одржа во рамки на кампањата за зајакнување на жените и нивното ментално здравје чија цел е подигнување на свеста за менталното здравје кај жените, дестигматизација, сензибилизација, како и отворен дијалог за предизвиците и стратегиите за превенција и третман.

Денешната панел дискусија е дел од низата активности кои ќе бидат спроведени во текот на шест месеци, а кои ќе опфатат вебинари, експертски панел, он-лајн групни сесии и кампања за подигнување на свеста низ психо-едукација вклучувајќи локални жени застапници и експерти од различни области, проектот ќе овозможи споделување на искуства и знаење, поддршка и взаемно разбирање.

Во продолжение е интегралниот текст од обраќањето на сопругата на претседателот.

Почитувани присутни добра вечер,

Најпрво, дозволете да ја поздравам оваа иницијатива на Центарот за психотерапија, психодијагностика, тренинг и едукација – НЕОКОРТЕКС, отворено и гласно да зборувме за менталното здравје на жените, потребата од постојана грижа и јакнење на менталното здравје, како клучно за севкупната улога на жените во нашето општество.

За да ги срушиме стереотипите и да ги охрабриме жените отворено да зборуваат за својата психолошка и душевна состојба, за негативните мисли и душевната состојба, за емоциите што ги тиштат, треба најпрвин да создадеме амбиент во кој грижата за менталното здравје ќе биде општо прифатена, а не табу тема. Жените треба да чувствуваат поддршка кога зборуваат за проблемите, да имаат доверба во институциите и да бидат сигурни за помошта што ќе ја добијат.

Доколку жените отворено зборуваат за своето ментално здравје без да чувстуваат притисок или осуда, има поголеми шанси за навремен одговор, и можност да се превенираат посериозни здравствени последици.

Канцеларијата за ментално здравје којашто е отворена на Филозофскиот факултет, потоа Центарот за ментално здравје  во рамките на Црвениот крст, се форми кои овозможуваат проактивен пристап во третманот на сите состојби кои се среќаваат во смисла на нарушување на менталното здравје кај младите, а и кај жените. Дополнително, голем број на граѓански организации и здруженија се активни во подигнувањето на јавната свест за менталното здравје.

Така што, неспорно е дека направен е огромен исчекор за разбивање на стигмата, но факт е дека пред нас, како колектив, претстои уште многу работа.

Истражувањата покажуваат дека на светско ниво, двојно повеќе жени страдаат од депресија за разлика од мажите. Од друга страна пак, само 3% од вкупните здравствени трошоци во светот одат за подобрување на менталното здравје на луѓето.

За жал немаме опсежна статистика за оваа сензитивна тема. Најчесто зборуваме за депресија и анксиозност. Стресот со кој денес буквално сите се соочуваме, исто така може да има големо влијание. Особено загрижува, што голем дел од јавноста, сè уште, не ја гледа сериозно постпородилната депресија. Истражувањата покажуваат дека кај 3% од жените, симптомите на оваа депресија се толку многу изразени што жената дури размислува и за самоубиство.

Годинава, за првпат, беше изработена студија за менталното здравје на жените во перинаталниот период, која покажа дека повеќе од 54 % од младите мајки што пријавиле сериозни симптоми на депресија, не успеваат да воспостават емоционална врска со новороденото што е клучен фактор за развојот на детето, но исто така и за менталното здравје и благосостојбата на самата мајката.

Сиве овие податоци укажуваат на потребата од зголемена будност и грижа за менталното здравје на жената без разлика на возраста, положбата и статусот.

Тоа е клучен фактор за жената успешно да се реализира и приватно, но и професионално.

Јас честопати сакам да кажам, за да имаме видливи резултати и навремен институционален одговор,  мора да создадеме коалиција на партнери од различни институции: здравствени, образовни, социјални, но и од граѓанските здруженија кои сите заедно ќе работат интерсекторски и тоа ќе биде коалиција која ќе дава поддршка, но и ќе нуди решенија.

Ви благодарам за поканата и ви посакувам успешна дискусија и понатаму успешно спроведување на иницијативата.

 

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...