Сопругата на претседателот со поддршка на мисијата на СОС Детско Село

20 март 2024 | Aктивности, Соопштенија

Сопругата на претседателот Елизабета Ѓоргиевска се обрати на настанот „Едно семејство“ што се одржа под нејзино покровителство, а во организација на СОС Детско село. Со овој настан СОС Детско село им оддава признание на пријателите, донаторите и на поддржувачите на оваа организација.

Обраќајќи се пред присутните, сопругата на претседателот истакна дека резултатите коишто СОС Детско село ги постигнува при грижата за децата во ризик и нивна поддршка, преку семеен модел за алтернативна грижа за деца, како и преку реализирање програми за социјална превенција, несомнено се темелат и на сесрдната поддршка на пријателите и поддржувачите. Таа додаде дека сите сме дел од едно семејство во коешто се грижиме за сите членови подеднакво, солидарни и хумани, грижливи и благородни.

„Посакувам ова семејство да се шири и да расте. И во останатите сегменти од општественото живеење, и во другите проекти, програми и при активности на други организации да покажеме корпоративна одговорност, индивидуален ангажман, општествена грижа. Како дел од заедницата, од неа добиваме, во неа растеме и се остваруваме, и треба сите според своите можности да даваме и да придонесуваме. И кога немаме можност од материјална поддршка, можеме да дадеме дел од своето слободно време,  да извршуваме волонтерска работа, да даруваме љубов, грижа и внимание“, истакна г-а Ѓоргиевска.

Г-ѓа Ѓоргиевска порача да останеме сплотени и солидарни, да не ја изгубиме човечноста и добродетелството, да не ги игнорираме желбата, мечтите и соништата, да продолжиме да создаваме, да се бориме, да даваме и даруваме. Таа на сите штитеници, вработени и на сите поддржувачи на СОС Детско село им посака здравје, љубов, среќа, радост, хармонија и успех.

Покрај доделувањето на признанија на компании, организации и индивидуалци за нивната поддршка, на настанот беа претставени и постигнувањата и корпоративните активности на СОС Детско село во изминатата година, а дел од настанот беше и концептуалната изложба на најважните активности, кампањи и проекти што ги сработија компаниите и СОС Детско село, а во чија изработка учествуваа и дечињата и младинците со што ја покажаа својата благодарност кон сите што им помогнаа.

 

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...