Обраќање на претседателот Пендаровски на затворањето на 44. издание на фестивалот „Браќа Манаки“

30 септември 2023 | Соопштенија

Претседателот Стево Пендаровски присуствуваше и се обрати на затворањето на 44. издание на интернационалниот фестивал на филмска камера „Браќа Манаки“ во Битола.

Во своето обраќање, претседателот Пендаровски кој е покровител на оваа значајна  манифестација, рече дека го радува фактот што филмската уметност, како и уметноста воопшто, секогаш успева да опстои, дури и во најпредизвикувачки услови, таа секогаш им пркоси на сите економски и општествени контексти кои не се сосема благопријатни за креативното изразување.

Истакнувајќи дека овогодинешниот фестивал, во изминатите седум дена понуди исклучителна програма и Битола ја претвори во простор за средби и дијалог со врвните филмски и кинематограферски имиња, претседателот Пендаровски за овој успех му честиташе на целиот тим посакувајќи овој фестивал да прерасне во вистинско меѓународно современо културно наследство.

Претседателот Пендаровски ја додели специјалната награда „Камера 300“ на кинематограферот Шејмус Мек Гарви.

Во продолжение е интегралниот текст од обраќањето на претседателот Пендаровски.

Почитувани пријатели, гости, лауреати, посветеници на филмската уметност, 

Ме радува фактот што филмската уметност, како и уметноста воопшто, секогаш успева да опстои, дури и во најпредизвикувачки услови. Таа секогаш им пркоси на сите економски и општествени контексти кои не се сосема благопријатни за креативното изразување. Токму затоа, на последниот ден  од овогодинешното издание на најстариот фестивал на филмска камера во светот „Браќа Манаки“, би сакал да им честитам на организаторите за истрајноста, а на лауреатите за сите досегашни и идни успеси. 

Постојат различни тези и толкувања за она што значи движење или уметност, во општествените и политичките дискурси и динамики. Но, едно е јасно дека движењето во просторот, како што нагласуваат и древните философи, и современите теоретичари, но, пред сѐ, кинематограферите и  сите кои се посветени на филмската уметност, не е само физичка реалност, туку длабока психичка, интелектуална, емоционална, етичка и естетска категорија која го открива непознатото или она што не е едноставно да биде спознаено. Токму затоа, темата „Прекрасното непознато“, која програмските уредници на овогодинешниот фестивал ја одредиле,  е повеќе од прецизна. 

Да се вклопат движењата во нивната различност, и со тоа да ги разоткријат сите сенки на животот и на човештвото кои се вкрстуваат, преклопуваат, а неретко и разидуваат, е вештина која го прави филмот единствена гранка на уметноста. 

Екстериерните и ентериерните конфликти, ситуации, таги и радости кои знаеме да ги премолчуваме или затскриваме во секојдневието на животот, низ филмот и, пред сѐ, низ кинематограферското око ни се откриваат и конфронтираат како искушение со кое немаме друг избор освен да се соочиме. Филмот секогаш ни наложува ново гледање на проблемот – лирско или епско, некогаш во историска, некогаш во футуристичка перспектива, некогаш интимно и лично, но, секогаш тип на искуство кое бара ултимативна храброст и критичка рефлексија. 

Фасцинантно е колку, за релативно кус период, од појавувањето до денес, филмската индустрија, и покрај сите политички и економски консеквенци со кои се соочува во својот брз развој, се наметна како ултимативна уметност, која на светот, му нуди безброј опции за негово преиспитување, развој и евентуално заземање подобар правец. 

Филмот секому, и на експертите и нам, на лаиците кои понекогаш сакаме да се пронајдеме во неговите подвижни слики и наративи, ни дозволува едно движење и премин од филмската илузија во нашата животна стварност, во која честопати стоиме во место, наместо да се движиме како што се движат филмските слики. 

Почитувани, 

Данскиот режисер Ларс фон Триер, вели: „Филмот треба да биде како камче во чевелот – да предизвика нелагода, па дури и болка, и при тоа да ве освести дека нештата не се онакви какви што ги посакувате, какви што ги замислувате, какви што ги очекувате и планирате, туку се непредвидливи, често непријатни, и дека бараат од вас влог да ги решите и поправите.“ 

Светот во кој живееме деновиве, по многу основи, не е пријатно место. И оттаму, со право, се чувствува гнев, лутина, незадоволство. Но, како што вели големиот Бергман: „Добриот филм секогаш во себе ги содржи креативноста и гневот. Затоа, негувајте го својот креативен гнев и креативно конфронтирајте се со светот“. 

Овогодинешниот фестивал, во изминатите седум дена понуди исклучителна програма и Битола ја претвори во простор за средби и дијалог со врвните филмски и кинематограферски имиња. 

За овој успех сакам да му честитам на целиот тим и да посакам овој фестивал да прерасне во вистинско меѓународно современо културно наследство.

 

Ви благодарам.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Честитка од претседателот Пендаровски по повод големиот христијански празник Воскресение Христово – Велигден

Честитка од претседателот Пендаровски по повод големиот христијански празник Воскресение Христово – Велигден

© Фото: Кристијан Георгиевски Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...